Tú hevur allarhelst brúk fyri eini hitaloysn. Allarhelst eisini ásannað, hvussu nógv er at hugsa um. Hjá Demich fært tú allan pakkan – hita, ventilatión og sanitet. Vit bæði veita tær skipanina og seta hana upp fyri teg. Umhvørvisstovan hevur góðkent okkum, og eisini eru vit løggildir el-innleggjarar.

Tí kunnu vit siga, at okkara dygd er tín trygd.

Vit hava hildið til í Stiðjagøtu í Havn síðani 1988, har vit í dag húsast í trimum bygninum á tilsamans góðar 1.500 fermetrar. Her eru vit eini 70 fólk, sum eru knýtt at verkstaðnum, handlinum og skrivstovuni, umframt teknistovu okkara, har verkfrøðingar sita og tekna og prosjektera. Verkstaður okkara er ein hin framkomnasti í landinum. Við góðum maskinum og góðum hondum loysa vit uppgávur innan rørsmíð, blikksmíð og jarnsmíð – eina fyri og aðra eftir.
‍
Legg leiðina framvið og práta við okkum um dreymahúsini ella onkra aðra spennandi verkætlan, tú gongur og hugsar um, so vit kunnu hjálpa tær at koma har til.